مشہور ترک ڈرامہ سیریز کرلوس عثمان کی اداکار جوڑی حقیقی جوڑی میں تبدیل
ویب ڈیسک (9نیوز) ترکی
دونوں نے کچھ ماہ قبل منگنی کی تھی
مشہور ترک ڈرامہ کورولوس عثمان کے دو اہم کردار ”جیرکوتائی اور آئیگل“ نے حقیقی زندگی میں بھی شادی کرلی۔
عالمی شہرت یافتہ ترک سیریز کورولش عثمان میں اہم کردار نبھانے والے اداکار جاگری سینسوئے اور اداکارہ بوسے ارسلان نے شادی کرلی۔
کورولش عثمان میں اداکار جاگری سینسوئے نے سپاہی ’جیرکوتائی‘ کا کردار نبھایا تھا جبکہ اداکارہ بوسے ارسلان ’آئیگل خاتون‘ کے روپ میں جلوہ گر تھیں۔
دونوں نے اپنی شادی کی تصاویر بھی سوشل میڈیا پر پوسٹ کی ہیں۔
اداکار جوڑے کی شادی میں قریبی رشتے داروں اور دوستوں نے شرکت کی جب کہ شادی میں کورولش عثمان میں عثمان کا کردار نبھانے والے اداکار براک نے بھی شرکت کی اور تقریب میں رقص بھی کیا۔
ترک میڈیا کے مطابق بوسے ارسلان اور اداکار جاگری سینسوئے نے کچھ ماہ قبل منگنی کی تھی۔
