شہید اے ایس آئی اسلم فاروقی کی نماز جنازہ پولیس لائن ہیڈ کوارٹرز میں ادا کر دی گئی۔
تفصیلات کے مطابق گزشتہ روز منشیات فروش کے خلاف آپریشن کے دوران شہید ہونے والے پولیس اہلکار اے ایس آئی اسلم فاروقی کی نماز جنازہ پولیس لائینز راولپنڈی میں ادا کر دی گئی۔
پولیس کے چاق و چوبند دستوں نے شہید کے جسد خاکی کو سلامی پیش کی،
نماز جنازہ میں آر پی او عمران احمر، سی پی او محمد احسن یونس، حساس اداروں کے افسران، ایس ایس پی آپریشنز، ایس ایس پی انوسٹی گیشن، ڈویژنل ایس پیز اور دیگر سینئر پولیس افسران و اہلکاروں نے کثیر تعداد میں شرکت کی،
نماز جنازہ کی ادائیگی کے بعد شہید اے ایس آئی اسلم فاروقی کا جسد خاکی سرکاری اعزاز کے ساتھ ان کے آبائی علاقہ رتہ امرال راولپنڈی روانہ کردیا گیا،
شہید اے ایس آئی اسلم فاروقی نے لواحقین میں بیوہ اور تین بیٹیوں کو چھوڑا ہے،
اے ایس آئی اسلم فاروقی گزشتہ روز ڈرگ ڈیلر کی فائرنگ کا جوانمردی سے مقابلہ کرتے ہوۓ شہید ہو گئے تھے،
شہداء کی لازوال قربانیاں محکمہ کیلئے عزت و تکریم کا باعث ہیں، آر پی او راولپنڈی پولیس
شہید ہمارے محسن ہیں جن کی قربانیوں کو کبھی فراموش نہیں کیا جاسکتا، سی پی او راولپنڈی پولیس
دکھ کی اس گھڑی میں لواحقین کے ساتھ کھڑے ہیں، سی پی او راولپنڈی پولیس
