برطانیہ:سابق وزیراعظم نوازشریف کے ویزامیں توسیع کی درخواست مسترد
اسلام آباد(9نیوز)
برطانیہ کے محکمہ داخلہ نے حزب اختلاف کی بڑی جماعت مسلم لیگ ن کے سربراہ اورسابق وزیراعظم میاں نوازشریف کے ویزے میں توسیع کی درخواست مسترد کردی۔
پاکستان مسلم لیگ ن کی ترجمان مریم اورنگ زیب نے ایک بیان میں اس کی تصدیق کی ہے اور کہا ہے کہ برطانوی محکمہ داخلہ نے محمد نواز شریف کے ویزے میں مزید توسیع سے معذرت کرلی ہے اور کہا ہے کہ وہ امیگریشن ٹریبونل میں اس فیصلے کے خلاف اپیل دائرکرسکتے ہیں۔
پاکستان مسلم لیگ (ن) کی ترجمان مریم اورنگزیب کا محمد نوازشریف کے برطانیہ میں قیام سے متعلق اہم بیان
قائد محمد نوازشریف کے ویزے میں مزید توسیع سے برطانوی محکمہ داخلہ نے معذرت کی ہے
— PML(N) (@pmln_org) August 5, 2021
اس کے بعدمیاں نوازشریف کے وکلاء نے برطانوی امیگریشن ٹریبونل میں اپیل دائرکردی ہے۔مریم اورنگ زیب کا کہنا ہے کہ “محکمہ داخلہ کا حکم اس اپیل کے فیصلے تک “غیرمؤثر”رہے گا اورسابق وزیراعظم اپیل کا فیصلہ ہونے تک قانونی طور پر برطانیہ میں مقیم رہ سکتے ہیں
برطانوی امیگریشن ٹریبونل میں دائر اپیل پر فیصلہ ہونے تک محکمہ داخلہ کا حکم غیرموثر رہے گا
اپیل پر فیصلہ ہونے تک قائد محمد نوازشریف برطانیہ میں قانونی طورپر مقیم رہ سکتے ہیں— PML(N) (@pmln_org) August 5, 2021
