کے پی کے بلدیاتی انتخابات پر عامر لیاقت کا معنی خیز انداز میں طنزیہ ٹویٹ
ویب ڈیسک(9نیوز) اسلام آباد
مولانا فضل الرحمان کی خیبرپختونخوا میں جیت پر سوالات اٹھادئیے۔
یاد ہوگا !
“ایک تھامولانا کادھرنااور دھرنے میں تھے سیکڑوں اہل دیو بند لایک بریلوی بچہ اور اہل دیو بند کے بچوں کے بھی بچےپھراسی دوران “ایک ملاقات”ہوئی کسی سے فون پر بات ہوئی، ہم سے کیے گئے وعدے پورے ہوں گے اور مولانا پورے کے پورے خیبر پختونخواہ میں “صاف شفاف” انتخابات میں جیت گئے
— Aamir Liaquat Husain (@AamirLiaquat) December 21, 2021
تحریک انصاف کے رکن قومی اسمبلی ڈاکٹر عامر لیاقت حسین نے دعویٰ کیا ہے کہ مولانا فضل الرحمان خیبر پختونخوا میں بلدیاتی الیکشن اس لیے جیتے ہیں کیونکہ ان سے دھرنا ختم کراتے وقت کیے جانے والے وعدے پورے کیے گئے ہیں۔
اپنے ایک ٹویٹ میں رکن قومی اسمبلی نے کہا کہ جس وقت مولانا فضل الرحمان نے اسلام آباد میں دھرنا دیا تھا اس وقت ان کی ایک ملاقات ہوئی تھی اور کسی سے فون پر بھی بات ہوئی جس کے بعد انہوں نے اعلان کیا تھا کہ ان سے کیے جانے والے وعدے پورے ہوں گے۔
عامر لیاقت نے خیبر پختونخوا کے حالیہ بلدیاتی الیکشن کے نتائج کا حوالہ دیتے ہوئے کہا کہ مولانا پورے کے پورے خیبر پختونخوا میں “صاف شفاف” انتخابات میں جیت گئے۔
عامر لیاقت نے ایک اور طنزیہ ٹویٹ کیا کہ وقت فیض نہیں پہنچاتا فیض تک وقت پہنچ جاتا ہے، خیبر پختونخواہ میں ہمیں کوئی فیض حاصل نہیں ہوا لیکن ستاروں پر کمند ڈالنے والے بھی ناکام نہ رہے ۔ واللہ اعلم
وقت فیض نہیں پہنچاتا فیض تک وقت پہنچ جاتا ہے، خیبر پختونخواہ میں ہمیں کوئی فیض حاصل نہیں ہوا لیکن ستاروں پر کمند ڈالنے والے بھی ناکام نہ رہے ۔ واللہ اعلم
— Aamir Liaquat Husain (@AamirLiaquat) December 21, 2021
وزیراعظم عمران خان کے خیبرپختونخوا میں شکست سے متعلق ٹویٹ پر جواب دیتے ہوئے عامر لیاقت کا کہنا تھا کہ گستاخی معاف خان صاحب! بھارت کے خلاف بولنےُوالے وزرا کتنے ہیں؟ اور جو صاحب”قسطوں پر حج کرانے” کی تجویز پیش کرنے کے خواہاں تھے وہ ابھی تک برقرار ہیں کیا جواز ہو سکتا ہے؟
گستاخی معاف خان صاحب!
بھارت کے خلاف بولنےُوالے وزرا کتنے ہیں؟
اور جو صاحب”قسطوں پر حج کرانے” کی تجویز پیش کرنے کے خواہاں تھے وہ ابھی تک برقرار ہیں کیا جواز ہو سکتا ہے؟آپ کا اپنا عامر ہر ملاقات میں یہی باتیں دہراتا رہا لیکن اب خاموش رہتا ہے کیونکہ وقت کی اپنی آواز ہوتی ہے https://t.co/YYxOkDrTSW
— Aamir Liaquat Husain (@AamirLiaquat) December 21, 2021
عامر لیاقت کا مزید کہنا تھا کہ آپکا اپنا عامر ہر ملاقات میں یہی باتیں دہراتا رہا لیکن اب خاموش رہتا ہے کیونکہ وقت کی اپنی آواز ہوتی ہے
واضح رہے کہ خیبر پختونخوا کے 17 اضلاع میں ہونے والے بلدیاتی الیکشن میں مولانا فضل الرحمان کی پارٹی جے یو آئی (ف) تحصیل کونسل اور سٹی میئرز کی 64 میں سے21 نشستوں پر کامیابی کے ساتھ سرفہرست ہے۔
اب تک موصول ہونے والے 58 نشستوں کے نتائج کے مطابق حکمران جماعت تحریک انصاف 14 نشستوں پر کامیابی حاصل کرپائی ہے۔ جبکہ تیسرے نمبر پر آزاد امیدوار ہیں۔
