اٹک پولیس میں کرپشن عروج پر،افسران بالا خاموش تماشائی
پولیس افسران و سپاہی عوام سے دو سو روپے بھی بٹورنے لگے
نیوزڈیسک(9نیوز)اٹک
تفصیلات کے مطابق تھانہ سٹی اٹک کی ٹیم نے اے ایس آئی جان محمد کی قیادت میں گزشتہ جمعرات رات دو بجے اٹک کامرہ روڈ پر واقع میاں جی پلازہ میں شادی کی تقریب سلسلے میں جاری خواجہ سراؤں کی ڈانس پارٹی پر ریڈ کیا
ریڈ کے دوران 40 سے زائد مہمانوں کو حراست میں لے لیا گیا بعد ازاں ان حراست میں لیے گئے مہانوں سے کیش بطور رشوت وصول کر لی۔
صرف تین مہمانوں سے اے ایس آئی جان محمد، کانسٹیبل جنید اور محرر رشید نے 120000 روپے بطور رشوت وصول کیے اور دھمکیاں دی کہ اگر کسی کو بتایا تو ان سب پر سنگین نوعیت کے مقدمات درج کر لیے جائیں گے
آئی جی جاب پولیس او آر پی او راولپنڈی کو اٹک پولیس میں جاری کرپشن کا نوٹس لینا چاہیے
اس سے قبل بھی اٹک پولیس کا ایک اے ایس آئی ایک پٹرول ایجینسی سے مفت پٹرول لیتے پکڑا گیا تھا جس پر ڈی پی او اٹک نے اس غریب پٹرول ایجینسی والے خلاف ہی ایف آئی آر درج کر دی تھی
معاملہ میڈیا میں رپورٹ ہونے پر ڈی پی او اور ان کے پی آر او نے دھمکیاں دی تھیں کہ پٹرول ایجینسی کی پشت پناہی کرنے والے صحافیوں خلاف بھی کاروائی کی جائے گی
مگر بعد ازاں جب بات آئی جی پنجاب تک پہنچی تو ڈی پی او کو کرپٹ اے ایس آئی کو معطل کرنا پڑا
ایک اور واقعہ میں تین بکری چوروں کو تین دن بغیر ایف آئی آر کے پابند سلاسل رکھا گیا تھا جن سے بعد میں بھاری رشوت لے کر انہیں چھوڑ دیا گیا تھا۔
