بلیو ورلڈ سٹی کے مسلح دہشتگردوں نے جانوروں کو بھی نا بخشا
نیوز ڈیسک(9نیوز) راولپنڈی
غیر قانونی ہاؤسنگ سوسائٹی بلیو ورلڈ سٹی کے مسلح غنڈوں نے چکری میں ڈی ایچ اے کی زمین پر ناجائز قبضہ کرنے لئے فائرنگ کر کے ایک سکیورٹی گارڈ کو زخمی کر دیا
زخمی سکیورٹی گارڈ کی شناخت اختر حسین کے نام سے ہوئی ہے۔
بلیو ورلڈ سٹی کے مسلع غنڈوں کی فائرنگ کی زد میں آکر ایک مقامی زمیندار کے دو قیمتی دنبے بھی ہلاک ہوگئے۔
فائرنگ سے علاقہ میں شدید خوف و ہراس پھیل گیا جبکہ گاؤں والوں نے آئی جی پنجاب سے ان غنڈوں خلاف ایکشن لینے کی اپیل کی ہے۔
دوسری جانب ڈی ایچ اے کے سکیورٹی انچارج چکری وحید اللہ نے تھانہ چکری میں درخواست دیتے ہوئے مؤقف اختیار کیا کہ وہ ڈی ایچ اے میں بطور سکیورٹی سپروائزر فرائض سر انجام دے رہا ہے۔
انہوں نے کہا کہ وہ اپنے دیگر سکیورٹی گارڈز ہمراہ اپنے ڈیروں پر موجود تھے کی 13 مئی کی رات صابر بلوچ، وحید، ملک جبار، عادل ریاض، ملک حماد دیگر 8/9 مسلح افراد ہمراہ حملہ آور ہوئے اور شدید فائرنگ شروع کر دی
انہوں نے پولیس کو بتایا کہ محمد اویس نے کلاشنکوف سے سکیورٹی گارڈ اختر حسین پر فائرنگ کر کے اسے زخمی کردیا اور مسلح حملہ آور فرار ہوگئے۔
درخواست گزار نے پولیس کو بتایا کہ ملک حماد و گینگ نے بلیو ورلڈ سٹی کے مالک چودھری سعد نذیر، انکے بھائی بریر نزیر و تین ڈائریکٹرز چوھدری نعیم اعجاز، چوھدری وسیم اعجاز اور چوھدری ندیم اعجاز کی ایماء پر حملہ کر کے زمین پر ناجائز قبضہ کرنے کی کوشش کی جس کے نتیجے میں ایک گارڈ زخمی ہوگیا۔
درخواست گزار نے پولیس سے ملزمان خلاف مقدمہ درج کر کے انکو گرفتار کرنے کی استدعا کی ہے۔
