راولپنڈی میں ہوائی فائرنگ یو سی چیئرمین جاں بحق
نیوز ڈیسک(9نیوز) راولپنڈی
تفصیلات کے مطابق راولپنڈی تھانہ پیرودہائی کے علاقے ضیاء الحق کالونی شادی کی تقریب میں ہوائی فائرنگ سے یوسی 9 کا وائس چیئرمین جاں بحق ہوگیا
جبکہ سی پی او ساجد کیانی نے ہوائی فائرنگ واقعہ پر ایس ایچ او پیر ودہائی کو معطل کردیا۔ پولیس کے مطابق گزشتہ رات ضیاء الحق کالونی میں ظہور کی شادی میں ہوائی فائرنگ کی گئی۔ایک گولی یونین کونسل کے وائس چئیرمین محمد
نعیم خان کو لگی جس کو شدید زخمی حالت میں ہولی فیملی ہسپتال منتقل کیا گیا جہاں وہ دوران علاج دم توڑ گیا۔ پولیس نے دولہے کے خلاف مقدمہ درج کرکے ملزمان کی گرفتاری شروع کردی۔پولیس ترجمان کے مطابق سی پی او ساجد کیانی نے فائرنگ کا نوٹس لیتے ہوئے ایس ایچ او تھانہ پیرودہائی کو معطل کرکے تبدیل کردیا، سی پی او نے ایس پی راول ڈویژن کو ملزمان جلد گرفتار کرنے کی ہدایت کردی۔
