یونیفارم کی طاقت کا غلط استعمال ہرگز قابل قبول نہیں ہوگا: ایس ایس پی انویسٹیگیشن
نیوز ڈیسک(9نیوز) اسلام آباد
ایس ایس پی انوسٹیگیشن اسلام آباد ڈاکٹر محمد اقبا ل کی تعارفی اور کرائم میٹنگ،
قانون کی پاسداری اور شہریوں کی جان و مال کے تحفظ کو یقینی بنانا ہے، فرائض منصبی کو احسن طریقے سے سرانجام دینا ہے
تفصیلات کے مطابق میٹنگ کے دوران ڈاکٹر محمد اقبال کا کہنا تھا کہ اس سارے عمل میں میرے سمیت کوئی بھی قانون سے بالاتر نہیں، یونیفارم کی طاقت کا غلط استعمال ہرگز قابل قبول نہیں ہوگا،
بدعنوانی اور اختیارات سے تجاوز، کرپشن اور شہریوں کے ساتھ غیرمناسب رویہ ہرگز برداشت نہیں کیا جائے گا،
میٹنگ میں ایس پی انوسٹیگیشن، ڈی ایس پی پراپر ٹی، ڈی ایس پی آر ڈی یو، انچارج اینٹی وہیکل لفٹنگ یونٹ اور سٹاف نے شرکت کی۔
ایس ایس پی انوسٹیگیشن نے تمام سٹاف سے فردََا فردََا تعارف کیا، میٹنگ میں انہو ں نے افسران سے خطاب کرتے ہوئے کہا کہ سب کو واضح ہونا چاہئے کہ ہم سب نے مل کر قانون کی پاسداری اور شہریوں کی جان و مال کے تحفظ کو یقینی بنانا ہے،
اس کے ساتھ اپنے فرائض منصبی کو احسن طریقے سے سرانجام دینا ہے اور اس سارے عمل میں میرے سمیت کوئی بھی قانون سے بالاتر نہیں، اگر کوئی سمجھتا ہو کہ وہ یونیفارم کی طاقت کا غلط استعمال کرے گا تو یہ ہرگز قابل قبول نہیں ہوگا،
یہ بھی پڑھیں:ڈاکٹر محمد اقبال کا موجودہ حالات کے پیشِ نظر بنوں کے مختلف چوکیات اور ناکہ بندیوں کا سرپرائز وزٹ
ہم ایک ٹیم کے طور پر کام کریں گے اور وہی افسر ہماری ٹیم کا حصہ رہے گا جو پولیس رولز کے تحت اپنے فرائض کو بطریق احسن سرانجام دے گا۔
انشاء اللہ ہم سب ملکر ایک ٹیم کے طور اس شہر کو امن کا گہوارہ بنانے میں اپنا کردار ادا کریں گے،
سنگین نوعیت کے مقدمات میں ملو ث اشتہاری مجرمان کو جلد از جلد گرفتار کیا جائے، زیر تفتیش مقدمات کو یکسو کیا جائے، پراپرٹی کے جرائم میں ملوث ملزمان کو گرفتار کر کے شہریوں سے لوٹے گئے مال کی برآمدگی کو ہر صورت یقینی بنایا جائے،
مقدمات کے چالان اور برآمدگی کی شرح میں اضافہ کیا جائے، زیرالتواء مقدمات کو یکسو کر کے رپورٹ بھجوائیں،
زیر تفتیش مقدمات کو جلد از جلد میرٹ پر مکمل کریں، سنگین نوعیت کے مقدمات اورکار و مو ٹر سائیکل چوری میں ملوث ملزمان کو جلد از جلد گرفتار کیا جائے،
شہریوں کی جان و مال کے تحفظ میں کوتاہی کسی صورت برداشت نہیں کی جائے گی،عوام کے جان و مال کے تحفظ میں کوتاہی برتنے پر سخت محکمانہ کارروائی کا سامنا کرنا پڑے گا۔
