لاہور:مناواں میں 12 سالہ بچے سے زیادتی کرنے والا ملزم گرفتار
مناواں کے علاقے باٹا پور میں بچے کو زیادتی کے بعد سفاکی سے قتل کرنے والے ملزم کو پولیس نے گرفتار کر لیا، پولیس کے مطابق ملزم حذیفہ نے 12 سالہ ریحان کو زیادتی کے بعد شناخت ہونے کے ڈر سے قتل کر دیا تھا۔
پولیس کے مطابق 12 سالہ ریحان کا والد ہارون واہگہ میں اینٹوں کے بھٹے پر مزدوری کرتا ہے، 26 اگست کو وہ کھیلنے گیا مگر کچھ دیر بعد کھیتوں سے اس کی لاش ملی، پولیس ٹیم نے موقع پر پہنچ کر شواہد اکٹھے کئے۔
دو ہفتوں کی محنت کے بعد پولیس نے تین مشتبہ افراد کو حراست میں لے لیا اور دوران تفتیش حذیفہ نامی ملزم نے اقرار جرم کرلیا۔
پولیس نے ڈی این اے سیمپل فرانزک لیب کو بھجوادیا دیا ہے، فرانزک کی رپورٹ جلد موصول ہوجائے گی جس کے بعد تفتیش کو مزید آگے بڑھانے میں مدد ملے گی۔
Latest posts by 9news (see all)
