حکومت پاکستان نے گھروں میں بچوں کو بطور ملازم رکھنے پر پابندی عائد کردی ہے۔
اسلام آباد (ویب ڈیسک) 9 نیوز
تفصیلات کے مطابق وفاقی وزیر برائے انسانی حقوق شیریں مزاریں کا کہنا ہےکہ حکومت نے بچوں کے تحفظ کیلئے اقدامات اٹھانے کا فیصلہ کیا ہے جس کے تحت بچوں کے گھروں میں ملازمت پر پابندی عائد کی جائے گی۔
ملک میں سرگرم بچوں کے حقوق کے تحفظ کی ایک تنظیم کے اعداد وشمار کے مطابق اس وقت ملک بھر میں ایک کروڑ سے زائد بچے مزدوری کرتے ہیں، جن میں سے 60 فیصد بچوں کی عمریں 10 سال سے کم ہے۔
شیریں مزاریں نے سینیٹ کو آگاہ کرتے ہوئے کہا کہ ملک میں عورتوں اور بچوں کے تحفظ کیلئے تمام ضروری اقدامات کررہے ہیں، بچوں کے ساتھ سب سے زیادہ زیادتی کے واقعات گھر میں رونما ہوتے ہیں، کابینہ نے مذکورہ اقدام کی منظوری بھی دیدی ہے، جس کے بعد بچوں کے گھروں میں کام پر فوری طور پر پابندی لگا رہے ہیں۔
