لانچ سے کچھ ہفتے قبل آئی فون 15 کی تفصیلات لیک
ویب ڈیسک(9نیوز)کیلیفورنیا
ایپل کے فلیگ شپ اسمارٹ فون آئی فون 15 سیریز کی 12 ستمبر کو ہونے والی لانچ سے قبل اہم تفصیلات لیک کر دیں گئیں
متعدد چینی لیکرز کےساتھ کام کرنے والے انڈسٹری کے خبری میجن بیو نے ایک پوسٹ میں آئی فون 15 کے نئے ڈیزائن، ڈسپلے، کیمرا اور کلر کے حوالے سے تفصیلات بتائی ہیں۔
ڈیزائن کے متعلق بیو نے لکھا کہ اس سال فون کا فریم بہت واضح نہیں ہےیہ معلوم نہیں کہ یہ کونسا مٹیریل ہے لیکن اس میں 90 فی صد ٹائٹینئم پر مشتمل مخلوط دھات ہے۔ یہ اقدام ممکنہ طور پر آئی فون 15 پرو اور 15 پرو میکس کو ان کے گزشتہ آئی فون ماڈلز سے کم وزن بنانے کے لیے کیا گیا ہے.
iPhone 15 Pro New Info
Colors:
Silver gray (the edge is similar to silver and the back panel is gray)
Black (lighter than 14 pro black, not like 13 pro bright black)
Blue (looks darker)Packaging: The 15 pro series wallpaper displayed is very similar to the 14pro wallpaper,… pic.twitter.com/G1gEiq562y
— Majin Bu (@MajinBuOfficial) August 28, 2023
بیو نے مزید بتایا کہ یہ تو نہیں معلوم کہ ایپل نے فون کے لیے کونسے مدر بورڈ کا انتخاب کیا ہے لیکن اس بات کے قوی امکان ہیں کہ فون میں سِم کارڈ سلاٹ موجود ہو۔
ڈسپلے کے متعلق بیو نے بتایا کہ آئی فون 15 پرو اور پرو میکس کے ڈِسپلے میں معمولی سا اضافہ (6.14/6.15 اور 6.73/6.74 انچز بالترتیب) کیا گیا ہے۔ آئی فون 14 پرو اور آئی فون 14 پرو میکس کے ڈسپلے 6.12 انچز اور 6.63 انچز بالترتیب تھے۔
کیمرے کے حوالے سے بیو نے انکشاف کیا کہ پیری اسکوپک ٹیلی فوٹو لینس جو آئی فون 15 پرو میکس کا امتیاز ہے، آئی فون 15 پرو سے واضح طور پر تیز ہے اور کُل کیمرا پہلے کی نسبت کم وزن ہے۔
بیو نے دلچسپ انکشاف کرتے ہوئے بتایا کہ حریف فونز کے برعکس آئی فون کا پیری اسکوپ ٹیلی فوٹو کیمرا مربع شکل (اسکوائر) نہیں بلکہ گول ہے، گہرا دِکھتا ہے اور اس کا منہ بہت بڑا ہے۔
رنگوں کے متعلق بیو نے ماضی میں آئی فون 15 پرو کے حوالے سے ہونے والی لیکس سے اتفاق کیا اور مزید تفصیلات فراہم کیں۔
انہوں نے بتایا کہ سِلور گرے فِنش کا بیک پینل اور کنارے سرمئی ہیں جو کہ سِلور سے مماثلت رکھتا ہے۔ مزید یہ کہ نیا بلیک ورژن آئی فون 14 پرو کے اسپیس بلیک فِنش کی نسبت کم وزن ہے اور نیا گہرے نیلے رنگ کا فون ایپل کے گزشتہ نیلے فونز سے زیادہ گہرا ہے۔
