آخر علیم خان کیوں عمران خان کے اتنا خلاف ہو گئے کہ آج اچانک ایسی پریس کانفرینس کر ڈالی؟
مانٹیرنگ ڈیسک(9نیوز) اسلام آباد
معروف صحافی شفاء یوسفزئی اپنے سماجی رابطہ کی ویب سائٹ اکاؤنٹ سے ٹوئٹ کرتی ہیں کہ آخر علیم خان کیوں عمران خان کے اتنے خلاف ہوگئے کہ ایسی پریس کانفرنس کر ڈالی؟ وہ اپنے ٹوئٹ میں مزید فرماتی ہیں کہ یہ دھماکہ خیز سکینڈل پارک ویو سٹی اسلام آباد سے شروع ہوتا ہے
جہاں صرف 579 پلاٹ فروخت/ایل او پی کے لیے منظور کیے گئے تھے۔ اسی کو اسلام آباد ہائی کورٹ نے LOP کی خلاف ورزی کی CDA کی درخواست پر منسوخ کر دیا تھا۔
The scandal gets explosive with the two official & exclusive order attached from CDA to #AleemKhan directing Park View to immediately halt all construction which was also grossly violated and more illegal unapproved land was sold minting more billions. Continued… pic.twitter.com/dgi8Ptcvyi
— Shiffa Z. Yousafzai (@Shiffa_ZY) April 4, 2022
علیم خان نے اس ایل او پی کیساتھ 100 گنا زیادہ پلاٹس فروخت کئے جس سے علیم خان کو اربوں کی آمدنی ہوئی۔
سی ڈی اے کے اعلیٰ ذرائع نے تصدیق کی ہے کہ اس نقشے میں ابتدائی پلاٹوں کو دکھایا گیا ہے۔ اور قوانین کی خلاف ورزی کرتے ہوئے 1500 کنال سے زائد پر غیر قانونی ترقیاتی کام کروائے گئے۔
بطورِ وائس چئیرمین LDA میرے پاس کئی بار علیم خان صاحب کا خلاف ضابطہ riverbed میں تعمیرات کی اجازت کا کیس آیا جو میں نے پریشر کے باوجود منظور نہیں کیا.
وزیراعظم کی جانب سےہمیشہ واضح ہدایات رہیں کہ میرٹ کے خلاف کوئی کام نہ ہو اور اس سلسلےمیں مجھےہمیشہ وزیراعظم صاحب کی سپورٹ رہی.
— S.M. Imran (@SMImranPK) April 4, 2022
پارک ویو سوسائٹی نے کمرشل اور تجارتی مراکز بنائے جوکہ اربوں روپوں میں نجی ڈویلپرز کو فروخت کئے جا رہے ہیں جنکی این او سی بھی نہیں لی گئی جوکہ سی ڈی اے اور اسلام آباد بلڈنگ کنٹرول رولز 2020 کی مکمل خلاف ورزی ہے اور سی ڈی اے پبلک ہیلتھ اینڈ سیفٹی رولز کی نفی ہے
ذیل میں اصل منظور شدہ سی ڈی اے ایل او پی منسلک ہے جس میں اربوں کی کھدائی کی سنگین خلاف ورزی کی گئی تھی۔
اس سکینڈل نے دھماکہ خیز شکل اس وقت اختیار کر لی جب سی ڈی اے کی طرف سے علیم خان کے پارک ویو کو دو سرکاری اور خصوصی حکم نامے کے ساتھ ہدایت کی گئی کہ وہ تمام تعمیرات کو فوری طور پر روک دیں جنکی بھی سراسر خلاف ورزی کی گئی تھی اور غیر قانونی غیر منظور شدہ اراضی کو مزید اربوں روپے میں بیچا جا رہا تھا
وزیر اعظم عمران خان کے ساتھ کام کرنے والے اعلیٰ ذرائع نے تصدیق کی ہے کہ علیم خان نے اسلام آباد ہائی کورٹ میں کیس کی پیروی روکنے کے لیے سی ڈی اے پر دباؤ ڈالنے کے لیے وزیر اعظم سے رابطہ کیا،
جس پر وزیر اعظم کے انکار کے نتیجے میں علیم خان نے اپنی حفاظت اور حکومت کو بلیک میل کرنے کیلئے ایک بااثر ٹی وی چینل خریدنے کے لیے اربوں روپے خرچ کر دئے۔
اس کے بعد اچانک علیم خان کو وزیراعظم عمران خان میں خامیاں نظر آنا شروع ہو گئیں اور علیم خان نے ہم خیال گروپ بنانے کیلئے تگ و دو شروع کردی،
جب اس سے بھی کام نا بنا تو علیم خان نے پہلے ترین گروپ کو جوائن کیا اور اپنے ذاتی مقاصد کیلئے اس گروپ کو استعمال کرنا چاہا اور بعد میں وہ اپوزیشن کے کیمپس میں جا کر بیٹھ گئے
علیم خان کی ساری ناراضگی کی وجہ پارک ویو میں غیر قانونی تعمیرات کو روکنے کی وجہ سے ہے،
اگر وزیراعظم عمران خان علیم خان کی پارک ویو سوسائٹی کو غیر قانونی کام کرنے دیتے تو آج بھی علیم خان کی نظروں میں وزیر اعظم سے زیادہ مخلص اور دیانتدار شخص پاکستان میں کوئی اور نا ہوتا
