نوشہرہ تھانہ اکوڑہ پولیس نے گزشتہ روز مستورات کے تنازعے پر قتل کرنے والے ملزم کو 2 خواتین سمیت گرفتار کر لیا۔آلہ قتل برآمد۔
نیوزڈیسک(9نیوز) نوشہرہ
پولیس ذرائع کے مطابق گزشتہ روز عبدالحمید ساکن آدم زئی نے پولیس کو رپورٹ درج کراتے ہوئے کہاکہ میرے بیٹے ابوذر عمر 17 سال کو خذیفہ نے اپنی ماں اور بہن کے کہنے پر فائرنگ کرکے قتل کر دیا ہے۔
ارشد خان DSP اکوڑہ نے عمران خان SHO اکوڑہ کی سربراہی میں ٹیمیں تشکیل دیکر جلد ازجلد ملزمان کو گرفتار کرنے کا ٹاسک حوالہ کیا ۔ملزمان کی گرفتاری یقینی بنانے کیلئے مختلف مقامات پر چھاپے لگائے گئے۔
مسلسل کوششوں سے ملزمان تک رسائی حاصل کرنے کے بعد پولیس نے ملزمان خذیفہ ولد اعظم خان ،عظمٰی دختر اعظم خان اور شبینہ زوجہ اعظم خان کو لیڈیز پولیس کے ذریعے گرفتار کر لیا گیا۔
ملزمان نے اعتراف جرم کرتے ہوئے آلہ قتل کی نشاندہی کرائی جو کہ پولیس ٹیم نے برآمد کرکے مزید تفتیش شروع کردی ہے
