تھانہ نظام پور پولیس نے رات کی تاریکی میں گھروں سے چوری کرنے والا 02 رُکنی چور گروہ گرفتار کر لیا
نیوزڈیسک(9نیوز) نوشہرہ
دوران تفتیش ملزمان کی نشاندہی پر مالمسروقہ برآمد
تفصیلات کے مطابق گاؤں حصار تنگ سے تعلق رکھنے والے درویش خان نے پولیس کو رپورٹ درج کراتے ہوئے کہا کہ اُنکے گھر سے رات کو نامعلوم چور 3 تولے سونا اور نقد ایک لاکھ روپے چوری کرکے لے گئے ہیں۔
ایس ایچ او مُراد خان نظامپور نے ہیومین اینٹیلجنس کو استعمال کرتے ہوئے ملزمان اسرار ولد عبدالمالک اور عبدالحق عرف دولہے ولد امین الحق ساکنان چارپانی کو گرفتار کر لیا۔
ابتدائی تفتیش کے دوران ملزمان نے اعتراف جرم کر لیا۔
ملزمان کی نشاندہی پر مالمسروقہ برآمد کر لیا گیا۔
ملزمان سے مزید تفتیش جاری ہے امید کی جارہی ہے کہ علاقہ نظامپور کے مختلف دیہاتوں اور بازاروں سے چوری کی مزید وارداتوں کے انکشافات بھی سامنے آ سکتے ہیں۔
واضح رہے کہ سابق ایس ایچ او کے دور میں راہزنی، ڈکیتیوں اور گھروں سے پانی کی موٹریں، سولر پینل، بکریاں، گائے اور دیگر قیمتی چیزیں چوری ہونے میں بے حد اضافہ ہو گیا تھا۔
