آئی جی اسلام آباد ڈاکٹر اکبر ناصر خاں کا ریڈ زون کے ناکہ جات کا دورہ
اسلام آباد کے شہریوں کو تحفظ دینا اولین ترجیح ہے: آئی جی اسلام آباد
ریڈ زون کی سیکورٹی کے سلسلہ میں ناکہ جات کا معائنہ کیا اور سکیورٹی انتظامات کا جائزہ لیا، افسران و اہلکاروں سے ملاقات کی،
اسلام آباد کیپیٹل پولیس شہریوں کی جان و مال کے تحفظ کے لیے ہمہ وقت تیار ہیں۔ آئی جی اسلام آباد ڈاکٹر اکبر ناصر خاں
تفصیلات کے مطابق انسپکٹر جنرل آف پولیس اسلام آباد ڈاکٹر اکبر ناصر خاں نے ریڈ زون کے ناکہ جات کا دورہ کیا، آئی جی اسلام آباد کے ہمراہ سی پی او سیکورٹی حسن رضا اور ایس ایس پی آپریشنز ملک جمیل ظفر موجود تھے،آئی جی اسلام آباد نے ریڈزون کی سیکورٹی کے سلسلہ میں ناکہ جات کا معائنہ کیااور سیکورٹی انتظامات کا جائزہ لیا،
آئی جی اسلام آباد نے ڈیوٹی پر مامور پولیس کے افسران و اہلکاروں سے ملاقات کی ۔انہوں نے تمام افسران کو ہدایات جاری کرتے ہوئے کہا کہ ریڈ زون میں سکیور ٹی کے سخت اقداما ت کو یقینی بنایا جائے،
ریڈ زون میں پٹر ولنگ کرنے والے افسران اپنے ایریاز میں پٹرولنگ کو مزید سخت کریں اور چیکنگ کو موثر بنائیں،کسی بھی ہنگامی صورتحال سے نمٹنے کے لئے نفری کو بریف کریں اور تمام ڈیوٹی کو خود چیک کریں،
ڈیوٹی پر تعینات تمام اہلکاروں کو مکمل کٹ کے ساتھ بھیجا جائے، افسران ریڈ زون اور ڈپلومیٹک انکلیو کے مختلف علاقوں کا دورہ کریں اور ان ہدایات پر عمل درآمد کو یقینی بنائیں۔
انہوں نے مزید کہا کہ اسلام آباد کیپیٹل پولیس وفاقی دارلحکومت میں امن و امان کی فضا کو برقرار رکھنے اور شہریوں کے جان و مال کے تحفظ کو یقینی بنانے کیلئے ہمہ وقت مصروف عمل ہے،شہریوں سے گزارش ہے کہ وہ پولیس کے ساتھ تعاون کریں اور کسی بھی مشکوک سرگرمی کے متعلق پولیس کو اطلاع دیں۔
@Sodiumslfat
