سابق بھارتی کرکٹر اور سیاست دان نوجوت سنگھ سدھو 10 ماہ بعد جیل سے رہا
مانیٹرنگ ڈیسک (9نیوز) اسلام آباد
اچھے برتاؤ کی وجہ سے موجود سنگھ سدھو کو دو ماہ پہلے رہا کیا گیا
سابق بھارتی کرکٹر اور سیاست دان نوجوت سنگھ سدھو کو 10 ماہ بعد پٹیالہ جیل سے رہا کر دیا گیا ہے۔
بھارت کی سپریم کورٹ نے گزشتہ برس مئی میں نوجوت سنگھ سدھو کو 34 سال قبل درج کیے گئےایک مقدمے میں ایک سال قید کی سزا سنائی تھی۔
سدھو پر یہ مقدمہ 27 دسمبر 1988 کو پنجاب کے شہر پٹیالہ میں سڑک پر ہونے والے ایک جھگڑے کے بعد درج کیا گیا تھا۔
Gratitude ….. take a bow to all those who waited since 10 in the morning till 6 in the evening , against all odds. pic.twitter.com/KtY75eDIfb
— Navjot Singh Sidhu (@sherryontopp) April 2, 2023
اس واقعے میں سدھو اور ان کے ساتھی روپندر سنگھ سندھو کا پٹیالہ میں سڑک پر گاڑی کھڑی کرنے پر ایک بزرگ شہری سے تنازع ہوگیا تھا۔
ایک 65 سالہ شہری گرنام سنگھ نے جب سدھو اور ان کے ساتھی کو سڑک سے گاڑی ہٹانے کے لیے کہا تو ان کے درمیان تلخ کلامی ہوگئی تھی جس کے بعد سدھو اور ان کے ساتھی نے گرنام سنگھ کو گاڑی سے نکال کر مارا پیٹا تھا۔ بعدازاں گرنام سنگھ کی موت واقع ہوگئی تھی۔
وکلا کے مطابق جیل میں اچھے برتاؤ کی وجہ سے سدھو کو دو ماہ قبل رہا کیا گیا ہے۔
This is to inform everyone that Sardar Navjot Singh Sidhu will be released from Patiala Jail tomorrow.
(As informed by the concerned authorities).
— Navjot Singh Sidhu (@sherryontopp) March 31, 2023
سدھو کی رہائی کے موقع پر کانگریس کارکنوں کی بڑی تعداد جیل کے باہر اُن کے استقبال کے لیے موجود تھی۔
یہ بھی پڑھیں: ججز کے بارے میں بات کریں گے تو میرا سامنا کرنا پڑے گا: چیف جسٹس
رہائی سے قبل نوجوت سنگھ کے ٹوئٹر ہینڈل سے ایک ٹوئٹ کی گئی کہ سابق کرکٹر کو ہفتے کو پٹیالہ جیل سے رہا کیا جائے گا۔
سدھو کی رہائی سے قبل پٹیالہ کی مختلف شاہراہوں پر اُن کے استقبال پر مبنی خیر مقدمی بینرز لگائے تھے۔
