حکومت آٹھ ماہ گزرنے کے باوجود بھی عمران خان کو جیل میں ڈالنے میں ناکام ہے: غریدہ فاروقی نے وجہ بتا دی
مانیٹرنگ ڈیسک (9نیوز) اسلام آباد
اینکر پرسن غریدہ فاروقی کا کہنا ہے کہ حکومت آٹھ ماہ گزرنے کے باوجود عمران خان پر کرپشن کا بڑا کیس ثابت کرنے اور انہیں جیل میں ڈالنے میں ناکام رہی ہے جس کی وجہ حکومت کی اپنی غیر یقینی صورتحال ہے۔
یہ بھی پڑھیں:
وفاقی حکومت کا پٹرولیم مصنوعات کی قیمتوں کو لے کر بڑا فیصلہ
توشہ خانہ کے تحائف کی فروخت کے معاملے پر اپنے ٹویٹ میں غریدہ فاروقی نے کہا کہ گھڑی کا معاملہ اخلاقی اعتبار سے زیادہ قابلِ تنقید ہو سکتا ہے۔
گھڑی کا معاملہ اخلاقی اعتبار سے زیادہ قابلِ تنقید ہو سکتا ہے لیکن محض اسے بنیاد بنا کر عمران خان کیخلاف کرپشن کا پیمانہ مقرر کرنا بچگانہ عمل ہے۔ یہ بہت چھوٹا معاملہ ہے اور ایسے فروعی الزامات سے حکومت، عمران خان کو لاکھ کوشش کے باوجود تاحال عوامی امیج میں کرپٹ قرار نہیں دے پائی۔
— Gharidah Farooqi (@GFarooqi) November 16, 2022
لیکن محض اسے بنیاد بنا کر عمران خان کیخلاف کرپشن کا پیمانہ مقرر کرنا بچگانہ عمل ہے۔
یہ بہت چھوٹا معاملہ ہے اور ایسے فروعی الزامات سے حکومت، عمران خان کو لاکھ کوشش کے باوجود تاحال عوامی امیج میں کرپٹ قرار نہیں دے پائی۔
انہوں نے کہا کہ اس کی وجہ صرف یہی ہے کہ ایسے چھوٹے معاملات پر بیانیہ تشکیل دینے کا الٹا نقصان ہو رہا ہے جبکہ گھپلے اس سے کہیں بڑے بڑے موجود ہیں۔
لیکن حکومت آٹھ ماہ کے باوجود عمران کیخلاف کرپشن کا بڑا کیس ثابت کرنےاور انہیں جیل میں ڈالنے میں ناکام ہے۔
اینکر پرسن کا کہنا تھا کہ اس کی ایک وجہ حکومت کی اپنی غیریقینی صورتحال اور احتساب کی کمزوری بھی ہے
