دھند کے باعث متعدد شاہراہیں ٹریفک کیلئے بند کر دی گئیں
نیوز ڈیسک(9نیوز) لاہور
دھند کے باعث لاہور، ملتان اور لاہور سیالکوٹ سمیت متعدد موٹرویز کو ٹریفک کیلئے بند کر دیا گیا، ترجمان موٹر وے پولیس نے مسافروں کو احتیاطی تدابیر اختیار کرنے کی ہدایت بھی دی۔
ترجمان موٹر وے پولیس کے مطابق لاہور ملتان موٹروے فیض پور سے ننکانہ تک جبکہ لاہور سیالکوٹ موٹروے ایم الیون دھند کے باعث بند کر دی گئی ہیں، موٹر وے پولیس کی جانب سے شہریوں کو غیر ضروری سفر سے گریز کرنے کی بھی اپیل کی گئی ہے۔
ترجمان موٹر وے پولیس نے کہا کہ ڈرائیور حضرات تیز رفتاری سے پرہیز کریں اور اگلی گاڑی سے مناسب فاصلہ رکھیں، روڈ یوزرز معلومات اور مدد کے لیے ہیلپ لائن 130 سے رابطہ کریں۔
