بی بی سی کی اسٹوری میں کوئی سچائی نہیں
نیوز ڈیسک(9نیوز) اسلام آباد
پاک فوج کے شعبہ تعلقات عامہ نے بی بی سی کی سٹوری کو سراسر بے بنیاد اور جھوٹ کا مجموعہ قرار دے دیا.
اپنے بیان میں آئی ایس پی آر کا کہنا تھا کہ یہ بی بی سی کی مخصوص پروپیگنڈا سٹوری ہے، بی بی سی کی اسٹوری کسی قسم کے معتبر اور متعلقہ سورس سے عاری ہے.
آئی ایس پی آر کے مطابق بی بی سی کی اسٹوری صحافت کے بنیادی اصولوں کے منافی ہے، بی بی سی کی اسٹوری میں کوئی سچائی نہیں، بی بی سی کی اسٹوری واضح طور پر منظم ڈس انفارمیشن مہم کا حصہ دکھائی دیتی ہے، یہ معاملہ بی بی سی حکام کے ساتھ اٹھایا جا رہا ہے.
مذکورہ خبر میں گزشتہ روز سابق وزیراعظم عمران خان کے خلاف پیش ہوئی تحریک عدم اعتماد کے اردگرد گھومتے واقعات کا تذکرہ شامل تھا۔
سابق وفاقی وزیر فواد چوہدری نے بھی سٹوری کو جھوٹ کا پلندہ قرار دیتے ہوئے کہا ہے کہ بی بی سی کا شمار ان چند آرگنائزیشنز میں ہوتا ہے جنہوں نے پاکستان میں فیک نیوز کے سیاسی استعمال کو نیا رخ دیا ہے۔
بی بی سی اردو ان چند آرگنائزیشنز میں ہے جنہوں نے پاکستان میں فیک نیوز کے سیاسی استعمال کو نیارخ دیا، پاکستان نے BBC کو اس ضمن میں ڈوزئیر بھی دیا، یہ خبر بھی اسی پروپیگنڈے کے تسلسل کا نمونہ ہے، عمران خان نے ہمیشہ فوجی قیادت کی تنظیم کا ادراک اور احترام کیا https://t.co/2OBkTvk4Ct
— Ch Fawad Hussain (@fawadchaudhry) April 10, 2022
@Sodiumslfat
