آج کا دن کیسا رہے گا
نیوزڈیسک (9نیوز) اسلام آباد
حمل
:
21مارچ تا21اپریل
ملازمت کریں یا کاروبار دونوں صورتوں میں کامیاب ہو سکتے ہیں، گھریلو زندگی خوشگوار ہو سکتی ہے، آپ گھریلو ماحول کو خوشگوار رکھنے کے لئے کسی بھی فرد سے اختلاف نہ کریں۔
ثور:
22 اپریل تا 20 مئی
مخالف جو کبھی آپ کا دوست تھا پریشان کر سکتا ہے وہ آپ کیخلاف گمراہ کن پروپیگنڈہ کرتا رہے گا، آپ خاموشی کیساتھ تماشا دیکھئے ذلت آپکے مخالف کا مقدر بن سکتی ہے۔
جوزا:
21 مئی تا 21جون
اگر آپ نے عقلی غلطیاں نہ کیں اور اپنی صلاحیتوں کو حقیقی معنوں میں بروئے کار لے آئے تو پھر یقین کیجئے کہ آپ کے قدموں میں لاتعداد کامیابیاں ڈھیر ہو سکتی ہیں۔
سرطان:
22جون تا23جولائی
آپ اپنے الجھے ہوئے مسائل صلح صفائی کے ساتھ حل کرنے کی کوشش کیجئے دوسروں کے بھروسے پر بیٹھے رہنے سے حالات مزید الجھ سکتے ہیں۔
اسد:
24جولائی تا23اگست
باوجود کوشش بچت کا خانہ خالی ہی رہے گا۔ مگر کوشش کریں کہ آپ کچھ پیسے جمع کر لیں تاکہ مشکل وقت میں آپ کے کام آ سکے۔
سنبلہ:
24اگست تا23ستمبر
نئے نئے مواقع نوکری کے ضرور حاصل ہو سکیں گے مگر موجودہ مقام چھوڑنا بے وقوفی کے علاوہ کچھ نہ ہو گا لہٰذا موجودہ مقام ہرگز نہ چھوڑیں۔
میزان:
24ستمبر تا23اکتوبر
ہر چمکتی ہوئی چیز سونا نہیں ہوتی ہر ایک پر اعتبار کر لینا اچھی عادت نہیں ہے۔ گھریلو معاملات میں بذات خود دلچسپی لیں ہر معاملے کو دوسروں کے بھروسے پر چھوڑ دینا درست نہیں ہے۔
عقرب:
24اکتوبر تا22نومبر
کھانسی، نزلہ و زکام کی بدولت آج طبیعت ناساز ہو سکتی ہے۔ لہٰذا علاج کی جانب سے غفلت ہرگز نہ برتیں۔ مزاج کی تلخی کو بھی کم کر دیں تاکہ خوشیوں میں اضافہ ہو سکے۔
قوس:
23نومبر تا22دسمبر
امپورٹ ایکسپورٹ کرنیوالے حضرات کے لئے آج کا دن اہم ہے کاروباری سکیمیں جو آپ بہت عرصہ سے بنا رہے تھے ان پر عمل کرنے کا وقت آگیا ہے۔
جدی:
23دسمبر تا20جنوری
اگر آپ سیاستدان ہیں تو پھر فوری طور پر خود کو بدلنے کی کوشش کیجئے کہیں ایسا نہ ہو کہ فضول خرچی دوسروں کا دست نگر بنا دے۔
دلو:
21جنوری تا19فروری
یہ تو درست ہے کہ جو آپ چاہتے ہیں وہ ہو نہیں پاتا مگر ہمارا مشورہ یہی ہے کہ حوصلہ رکھیں ۔ دیرینہ آرزو پوری ہونے کا امکان ہے۔
حوت:
20 فروری تا 20 مارچ
ماضی کی تلخ یادوں کو مٹا کر حالیہ ملنے والی خوشیوں کو گلے لگا لیجئے۔ مزاج کی گرمی کو ذرا قابو میں رکھیں گے تو حالات قدرے بہتر ہو سکتے ہیں۔
