چیئرمین ایپنک (APNEC) الحاج ڈاکٹر محمد صدیق انظر نے 9 نیوز نیٹ ورک کے مرکزی دفتر کا افتتاح کر دیا
نیوز ڈیسک (9نیوز) اسلام آباد
تفصیلات کے مطابق آل پاکستان نیوز پیپر ایمپلائز کنفیڈریشن APNEC کے مرکزی چیئرمین محمد صدیق انظر نے گزشتہ روز 9نیوز نیٹ ورک کے مرکزی دفتر کا افتتاح کیا،
مرکزی دفتر کی رنگا رنگ تقریب کے مہمانان خصوصی معروف سماجی رہنماء اور تحریک اسلام آباد کی جنرل سیکرٹری محترمہ عاصمہ ملک اور سماجی شخصیت محمد یوسف تھے۔
اس موقع پر آبپارہ بازار کے تاجران کی کثیر تعداد نے بھی شرکت کی۔
9 نیوز کے ایگزیکٹیو ڈائریکٹر سید گلزار گیلانی اور سی ای او رحیم خٹک نے مہمانوں کا شکریہ ادا کیا۔
تقریب میں معروف صحافی عابد چوہدری، جاوید ملک،نسیم الغنی، تحریک اسلام آباد کے سربراہ راشد ملک نے بھی شریک ہوئے۔
افتتاحی تقریب میں محمد صدیق انظر نے دعا بھی کرائی اور نیک خواہشات کا اظہار کیا اور کہا کہ اس وقت سب سے پاور فل میڈیا سوشل میڈیا ہے اور ہمیں امید ہے کہ 9 نیوز نیٹ ورک ڈیجیٹل میڈیا کی دنیا میں اپنی جگہ ضرور بنائے گا۔کیونکہ گلزار گیلانی اور رحیم خٹک منجھے ہوئے صحافی ہیں اور شہر میں بڑا حلقہ احباب رکھتے ہیں۔
9 نیوز نیٹ ورک کے پاس ملک بھر میں فیلڈ رپورٹرز کی اچھی خاصی تعداد ہے اور بہت ہی بہترین طریقے سے چھوٹے اور بڑے علاقوں کی خبریں ڈیجیٹل میڈیا پر مسلسل پہنچانے اور آگاہی پھیلانے میں اپنا بھرپور کردار ادا کر رہے ہیں۔
